نە لایەنگرانی شای ئێران لە خۆپیشاندانەکانی ئێستای
ئێراندا شوێنی متمانەن و نە لایەنگرانی میانەڕەوەکانی سەر بە خاتمی و ناتق
نووری کە ماوەیەکی زۆرە لە لایەن خامنەیەوە پەراوێز خراون و ….هتد. ئەم
چەند دەستە کە باسمان کردن بۆ کورد هەر یەک دوژمن. چۆن هەموویان دژی
کوردستانێکی فیدراڵن لە ئێرانی پاش ڕووخانی کۆماری ئیسلامی ئێراندا. ئەوان
لەو باوەڕەدان ئێران یەک ئاڵا و یەک خاک و یەک زمان و یەک نەتەوە بمێتەوە و
نەتەوەکانی دیکە هەر وەکوو جاران لە ژێر دەستەی ئەواندا ژیانی خۆیان بەسەر
ببەنەوە.
سیاسەتی ئێستای حکوومەتی ئێران و سوپای پاسداران
بە لاڕێدابردنی درووشمی خەڵکی خۆپیشاندەرە لە ئێران و ڕۆژهەڵاتی کوردستان
چۆن؟ یەکەم: بە بەرز کردنەوەی (بژی شا بژی شا)ی بە ناو خۆپیشاندەرانی ناو
شەقامەکانی ئێران هیچ لە مەسەلەی کورد نایتە ناگۆڕێت، چۆن بیرۆکەی شا و
بیرۆکەی حکوومەتی ئێستای ئێرانیش هەر یەک بیرۆکەیە بەرانبەر بە کورد.
نەدانی مافی ئازادی زمان و کلتوور و ئاین و داب و نەریت و خاک و سروود و
ئاڵا و…..هتد. لە ژێر هەر ناوێک بێت بۆ کورد جیاوازییەکی وای نابێت بۆ کوردستانێکی ئازاد و خەڵکێکی ئازادیخواز لە ئێرانێکی دوواڕۆژدا.
ئایا کۆماری ئیسلامی چۆن دەیەوێت خۆی لە ڕووخان و
تووڕەی خەڵکی ئێران ڕزگار بکات؟ ئەو کەسانەی کە بە ناو میانەڕە و چاکسازن
لە ئێستای ئێراندا و ناویان بە گۆڕانخواز دەرکردووە، هەمان مێشک و فکریەتی
سەرەتاکانی هاتنی کۆماری ئیسلامی ئێرانیان هەیە، لە ڕاستیشدا لە بنچینەوە
لە ژێر باوەڕی خومەینی دامەزرێنەری کۆماری ئیسلامی ئێران هەنگاو دەنێن و لە
لایەن کۆماری ئیسلامی ئێرانەوە ماوەیەکە پەراوێز خراون، دەیانەویت دیسان
بێنەوە مەیدان و نەهێڵن کۆماری ئیسلامی ئێران بڕووخێت و شۆڕشی خەڵکی ئێران
بەلاڕێدا ببەن و کۆماری ئیسلامی ئێران بە خوێنێکی نوێیەوە زیندوو بکەنەوە و
خەڵکی لە ڕووخانی یەک جارەکی و لە ناو بردنی ئەم دەسەڵاتە دوور بخەنەوە.
تعليقات
إرسال تعليق