میرنشین و حکوومەتە کوردییەکان؛ پێناسەی میرنشین:
میرنشین جۆرە ڕێکخستنێکی (ڕامیاری،کۆمەڵایەتی،ئابووری،کارگێڕی،ناوچەیی) بوو، نەیتوانی سەرتاسەری کوردستان بە تەواوەتی بگرێتەوە، ڕادەی دەسەڵاتی میرەکانیش لەگەڵ یەکتریدا جیاواز بوون وەک یەک نەبوون.
واتە ئەم میرنشینانە لە بەڕێوەبردنی کاروباری خۆیاندا سەربەخۆ بوون و لە کاروباری دەرەوە وەک (ئاشتی و شەڕ) سەربەخۆ نەبوون.پێکهاتەی ڕژێمی کارگێڕی هەر میرنشینێک جیاواز بوو لەوی تریان و بەپێی کات و شوێن و سەردەمیش گۆڕانکاریان بەسەردا هاتووە.
لە بەناوبانگترین ئەو میرنشینە کوردییانەی کە شوێنیان لە ناوچەکەدا و لە سەردەمی خۆیاندا و هەتا ئێستاش دیار بووە و لە لایەن دەوڵەتانی ئەو کاتەوە کە بریتی بوون لە هەردوو دەوڵەتی عوسمانی و سەفەوی داگیرکەر حیسابی تایبەتییان بۆ کراوە و بوونەتە مەترسی بۆ بەرژەوەندی و فراوانخوازییەکانیان و هەوڵ و تەقالا و پیلانی زۆریان بۆ داڕشتن و پەیمان و رێکەوتننامەی ژێر بە ژێریان لە دژیان مۆر کردووە، دژی دەسەڵاتەکانی ئەو میرنشینە کوردییانە و هەوڵی لە ناوبردنیان کراوە.
تعليقات
إرسال تعليق