خەوننامەی کوردی، بەشی بە؛ بەیت ئەلمەعموور (البيت المعمور):
بەیت ئەلمەعموور ماڵێکە لە ئاسمانی چوارەم، لە بەرامبەر کەعبە، کە شوێنی حەجکردنی فریشتەکانە.
ئیبن سیرین دەڵێ: ئەگەر کەسێک چووە نێو ( بەیت ئەلمەعموور) ، ئەوا لە نێوان خەڵکیدا بە کەسێکی دەست پاک و زانستپەروەر دەناسرێت و دەردەکەوێت و حەجیش دەکات و لە شەڕ و بەڵای دوژمنان پارێزراو دەبێت.
ئەگەر بەیت ئەلمەعمووری لەسەر زەوی دیت، ئەوا لەگەڵ فەرمانڕەوایەکی زانای دادپەروەردا یەک دەگرن و دەبنە هاودەست.
ئەگەر لە بەیت ئەلمەعمووردا خانووی دروست کرد یان خەوت، واتە کاتی مردنی نزیک بووەتەوە.
ئەگەر لە داوێنی بەیت ئەلمەعموورەکەدا تەوافی دەکرد و بە دەوریدا دەسووڕایەوە، واتە لە دونیا دەردەچێت و نامێنێت.
ئەگەر بەیت ئەلمەعمووری وەکوو مزگەوتێک هاتە بەرچاو و نوێژی تێدا دەکرد، واتە هەموو خواست و ئاواتەکانی دێتە دی.
ئیبراهیمی کرمانی دەڵێ: ئەگەر بینی نێوان زەوی و بەیت ئەلمەعموور واڵا و کراوە بوو، واتە خەڵک لەو ساڵە حەج و عەمرەی زۆر ئەنجام دەدەن.
ئەگەر بەیت ئەلمەعموور ڕازێنرابوویەوە و فریشتەکان بە دەوریدا دەسووڕانەوە و تەوافیان دەکرد، واتە زانا و یارانی ئایین و ئایینپەروەران ڕێکوپێک و بە نیزام دەبن و پێکەوە پێگە و پلەوپایە بە دەست دێنن.
تعليقات
إرسال تعليق