وڵامێک بو قسه‌کانی خالید عه‌زیزی ئایا قەزیەی کورد لە روانگەی خالید عەزیزیەوە لە چیا کورت کراوەتەوە گوایا دەکرێت لە چوار چێوەی ئەم وڵاتە داگیرکەرە لەناو حکومەتی ئیسلامی ئێراندا چارەسەر بکرێت، و کۆماری ئیسلامی ئێران بێنێته سه‌ر ئه‌و قه‌ناعه‌ته که دان بە مافەکانی نەتەوەی کورددا بنێت؟!
پرسیارەکە لێرەوە دەس پێدەکات ئایا خالیدی عەزیزی و هەندێ دیکە لە چالاکوانانی سیاسی کوردی رۆژهەڵاتی کوردستان کە وەک خالید عەزیزی بیردەکەنەوە خەبات بۆ وەدەس هێنانی چ مافێک بۆ نەتەوەی کورد دەکەن و جۆری خەباتەکەیان چۆنە؟ ئەیانەوێت لە چوار چێوەی ئەم وڵاتە داگیرکەرانەدا چ شتێک لە مەسەلەی کورد چارەسەر بکرێت، ئایا قەزیەی کورد لای ئەمانەوە ئەوەیە کە کورد وەک هاوڵاتیەکی ئێرانی خۆی رابێنێت داوای سەربەخۆی نەکات و خۆی لەگەڵ ئێرانی بوندا لە چوار چێوەی ئەم وڵاتە داگیرکەرە رابێنێت نمایندەیان هەبێت لە پەرلەمان، زمانی کوردی بە رەسمیەت بناسرێت ئاورێک لە کێشەی تەبەقایەتی بدرێتەوە ئیتر مەسەلەی کورد چارەسەر بووە تەواو؟ خالید عەزیزی ئەیژی تەلەبەیەو مامۆستا پێ وتووە ئەم دەرسە لەبەر بکە بەیانی لە پای تەختە بیڵی بە لەبەرکراوی، ئەم جۆرە تێروانینە لەسەر مەسەلەیەکی گەورە وەک مەسەلەی کورد هەمان ئەو شتانەیە کە شوونیستی فارس دەیەوێت و ساڵانێکی زۆرە هەوڵی بۆ ئەدەن رەوتی خەباتی کورد بەلایەک دا ببەن کە دوای ماڤی لاوەکەی بکەون لە چوارچێوەی ئەم وڵاتە داگیرکەرانە له‌ژێر ده‌سه‌ڵاتی فارسدا کورد دوای چارسه‌ری مه‌سه‌ڵه‌ی خۆی بگه‌رێت مەسلەی نەتەوایەتی وەلا بنێت خەبات بۆ سەربەخۆی نکات. خالید عەزیزی ئەیەوێت بڵێت قەزیەی کورد بێ وڵاتی نییە و نابێت خەبات بۆ سەربەخۆی بکرێت ئەبێت قەزیەی کورد کورت بکرێتەوە بۆ کۆمەڵێک شتی لاوەکی وەک چارەسەری کێشەی تەبەقایەتیو بەشداری لە پەرلەمان و ئازادی زمانو ئەو شتانە واتە لە چوار چێوەی وڵاتی داگیرکەری ئێران و لە ناو ئەم حکومەتە ئیسلامیەدا چارەسەر بکرێت خالید عه‌زیزی بە ئاشکرا ئەڵێت مەسەلەی کوردی رۆژهەڵات و خەباتو داخوازی کوردی رۆژهەڵات لەگەڵ پارچەکانی دیکەی کوردستان جودایە واتە کوردی رۆژهەڵات ئێرانیەو ئەبێت شەر بۆ وەدەس هێنانی ماڤی چارەنوس و جیابونەوە نەکات. ئەم قسانەی خالید عەزیزی و جۆری خەباتەکەی وەکو ئاوی جۆگەلەیەکە کە لە چۆمی خۆڕی ( خەباتی کوردی) جودا بوەتەوە ئەرژێتە پای داری رژیمی داگیرکەر گیانێک به رژیم ئه‌به‌خشێت. — هەر حیزب و لایەنێک یان هەر کەسێک بەناو هەر حیزبێکەوە بیەوێت ئەو خەڵکە بەکار بێنێت یان خەباتی کورد بە لارێدا ببات بیکاتە وەسیلە و کەرەستەیەک بۆ داگیرکەران کە شوێن قونی خۆی بکاتەوە لە ئێران ئەوە ئەرواتە خانەی خیانەتەوە بە میلەتی کورد و ئەم جۆرە کەسانە زو ئعتبار و پێگەو پایەیان لە ناو خەڵکا لەدەست دەدەن رێزیان لای خەڵک نامێنێت، حیزبێک کە خواستی نەتەوەکەی کە سەربەخۆیە لە بەرچاو نەگرێت لە ناو کۆمەڵگای کوردیا ئەو حیزب و لایەنانە ئیعتبار و پێگەو پایەی خۆیان لە دەست دەدەن. ئەم جۆرە تێروانینەی خالید عەزیزی و هه‌ندێ لایه‌ن و که‌سایه‌تی دیکه لەسەر ماڤی چارەنوسی کورد کە کورتی دەکەنەوە بۆ مەسەلەیەکی لاوەکی و بێ مانا کە گوایا لە چوارچێوەی ئەم وڵاتە داگیرکەرانەدا مەسەلەی کورد چارەسەر دەبێت وەکو هەمان بیرو ڕای میرو خانو ئاغاکانی کۆنە کە لەبەرانبەر دەوڵەتی عوسمانی سەفەویەکانو قاجارەکانو پەهلەویەکان هەیانبوو، مەسەلەی نەتەوایەتی و پێک هێنانی وڵاتێکی کوردی مەسەلە نەبوو بەلایانەوە، کوردیان وەک کەرەستە بۆ خزمەتی ئیمپراتوری و ئیسلامو دەسەڵاتی داگیرکەران بەکار دەهێنا کە شوێن قنگی خۆیان بێتەوە لە ناو دەسەڵات ئەوەی کە بەلایانەوە گرینگ نەبو و ئێستەش بەلای کۆمەڵێک لایەن و که‌سایه‌تی و چاڵاکوانه سیاسیه‌کانه‌وه گرینگ نییە خەبات بۆ سەربەخۆیئ و پێک هێنانی کیانی سەربەخۆە، بۆیە تا ئەمرۆ بەداگیرکراوی ماوینەتەوە لە رابردودا سەرۆک هۆزو ئاغا، و لەم سەردەمەش دا کۆمەڵێک وەک خالید عەزیزی و هەندێ لە که‌سایه‌تیه سیاسیه‌کانی ناو حیزبه‌کان کە مانەوەی کورد بە داگیرکراوی پێ باشتر بوەو باشترە تا ئەوەی کە خەبات بۆ سەربەخۆی بکرێت هەر بۆیە مەسەلەی کورد لە کۆمەڵێک شتی بچوک دا کورت دەکرێتەوە نەک سەربەخۆی بۆ کوردستان.. ئەم عەقڵە بەناو سیاسیە کوردیانەی رۆژهەڵات تاکو مەسەلەی کورد کە هەمان سەربەخۆیە بۆ کوردستان هەزم نەکەن، بەجێگەی سەربەخۆی بۆ کوردستان هه‌ر بەدوای ئەوە بن کە مەسەلەی کورد لە چوار چێوەی ئەو وڵاتە داگیرکەرانەدا چارەسەر بێت دیسانەوە خەباتی کورد ئەبەن بە لارێدا هەر بە داگیرکراوی ئێمێنینەوە. ئەم بەرێزە ئەڵێت ئامانجی ئێمە رۆخانی رژیم نییە پێک هێنانی دیموکراسیە. دەرکێکی تەواویشی لەسەر دیموکراسی نییە ئایا شتێک بە ناو دیموکراسی لە چوارچێوەی حکومەتێک کە بە پێ شەرعی ئیسلامی حکم دەکات دەگونجێت؟ ئیسلامێک کە دژی هەر جۆرە ئازادیەکە و تەک رێگە و یەک ئایدولۆژی توندرەوە چۆن دەتوانێت باوری بە فرە رەنگی و فرە فکری و ئازادی بێ قەیدو مەرج یان فدراڵیزم بێت. دیموکراسی مەرجی هەیە وڵاتێک کە رێگەی لە ماڤی چارەنوسی نەتەوەیەک گرتبێت و خاکی نەتەوەیەکی داگیر کردبێت قەد دیموکراسی تێدا جێ ناگرێت، سەربەخۆی و دیموکراسی دو شتی گرێبەسراون بەیەکەوە واتە کاتێک زەمینەی ئەوە فەراهەم بوو کە نەتەوەکان بە تایبەت نەتەوەی کورد بریار لەسەر ماڤی چارەنوسی خۆی بدات ئەو کات دیموکراسی شوێنی خۆی گرتووە. ئەمەش بۆ وڵاتانی داگیرکەر وەک ئێران و تورکیە دەس نادات لە عەقڵی فارسێکی شونیست کە خەون بە ئمپراتوریەتی شێعە و داگیرکردنەوە دەبینن و تەواو هێزیان خستوەتە گڕ بۆ ئەوەی کە پارێزەری لە ( تمام ارضی) ئێرانی داگیرکەر بکەن دموکراسی لە وڵاتێکی لەم شێوەدا قەد جێ ناگرێت و پێک نایەت. داگیرکەرێک کە بونیەتی تۆ رەفز دەکاتەوە باوری بەوە نیە نەتەوی کورد بریار لەسەر چارەنوسی خۆی بدات بە زمانی ئیعدام شکنجە و زیندان و گولە وڵامت دەداتەوە تۆش بۆ پارێزەری لە بونی خۆت دەبێت بە زمانی ئەسڵەحە لەگەڵی قسە بکەی خالید عەزیزی ئەوە دەزانێت کە قەزیەی کورد لە دونیا دەنگی داوەتەوە گەشتوەتە قۆناغێک کە قەزیەی کورد چی تر ئینکار ناکرێت، کەچی لە لایەکی دیکەوە مەسەلەی کورد وا باس دەکات کە گوایا مەسەلەی کورد هاوشێوەیە لەگەڵ مەسەلەی نەتەوەکانی دیکە لە ئێراندا ئەمەیە هەڵەی ئەم سیاسیە کوردانە، بەداخەوە. مەسەلەی نەتەوەی کورد وەک نەتەوەکانی دیکە لە ئێران نییە بەڵکو خەباتی کورد بۆ سەربەخۆی کوردستانە، داخوازی و خەباتی کورد لەگەڵ نەتەوەکانی دیکەی ئێران ( ئازەری، بەلوچ عەرەب ) جودایە کوردستان بە بێ پرسی کورد لە مابەین چەند وڵاتی داگیرکەر کە یەکێ لەو وڵاتە داگیرکەرانە ئێرانە دابەش کراوە شەر و خەباتی کورد بۆ رزگاریە له ده‌ست داگیرکەر خالید عەزیزی پێوایە کورد بە رەچەڵەک ئێرانیە و قەزیەی کوردی رۆژهەڵات جودایە لەگەڵ پارچەکانی دیکەی کوردستان ئەبێت کوردی رۆژهەڵات خەبات بۆ جیابونەوە نەکەن لە ئێران نەخەیر قەزیەی کورد لە هەمو پارچەکانی کوردستان یەک شتە ئەویش نەبونی وڵاتی سەربەخۆیە و پارچەیەک لە کوردستان لە لایەن وڵاتی داگیرکەری ئێرانەوە داگیر کراوە کورد قەد ئێرانی نەبوەو ئێرانی نییە، ئەمەیە مەسەلەی کورد.. بەرێز خالید عەزیزی ئێمەی کورد باجی کۆمەڵێک هەڵەی میرو خانو ئاغا و سەرۆک هۆزەکان دەدەینەوە بۆیە بێ وڵاتین ئێستە، و لەم سەردەمەشدا داری بە ناو کۆمەڵێک سیاسی وەک جنابتە دەیخۆین بۆیە خەباتی کورد هەتا ئێستە رێگەی خۆی کە هەمان سەربەخۆیە نەگرتوەتە بەر چۆنکە (کومەڵێک وەک جنابت بەدوای چارەسەری مەسەلەی کورد لە ناو وڵاتی داگیرکەری ئێراندا دەگەرن ئیتر لە ژێر سایەی چ حکومەتێکیشەوە بێت گرینگ نییە گوایا قەزیەی کورد لەم بەشەی کوردستان بێ وڵاتی نییە و لە چوار چێوەی ئەم وڵاتە داگیرکەرەی ئێران چارەسەر دەبێت، چۆنکە وەک جنابت باسی دەکەی گوایا کورد ئێرانیەو قەزیەی لەگەڵ پارچەکانی دیکەی کوردستان جودایە خەبات بۆ سەربەخۆی لەم بەشەی روژهەڵاتی کوردستان وباسی روخانی رژیم بڤەیەو نابێت بکرێت) بەرێز خالید عەزیزی پێم ناڵی لە دەس پێکی خەباتی کورد لە رۆژهەڵاتی کوردستان بە تایبەت حیزبی دیموکرات کوردستان ئێران هه‌تا ئه‌مرۆ کەی شوعاری روخانی رژیمی خستوەتە پێش خەبات بۆ خودموختاری. وه‌کو داخوازی نه‌ته‌وه‌یشمان هەمیشە کورد لە هەوڵی ئەوەدابووە کە لە دەوڵەتی ئێرانی داگیرکەر جیابێتەوە نەک لە پێشدا خەباتیان کردبێت بۆ روخانی رژیمەکانی ئێران. شەری کورد لەگەڵ شونیستی فارسی داگیرکەرە جیابونەوە لە ئێرانی داگیرکەر و دروس کردنی وڵاتی سەربەخۆی کوردیە ئەمەیە مەسلەی ئێمە، نەک ئەو بیانوانه‌ی که جنابت ده‌یگری له لایه‌نه سیاسیه‌کانی دیکه‌ی کورد یان ئه‌و شتە لاوەکی و بچوکانەی کە جنابت داوای ده‌که‌ی بۆ کورد!
تعليقات
إرسال تعليق