زاناكان لە زانكۆی باشوری لەندەن لەڕێی توێژینەوەیەكی نوێوە ئەوەیان ئاشاكرا كردوە خواردنی شۆكۆلاتە یارمەتی زیادبوونی توانای مێشكی مرۆڤ دەدات .
لە توێژینەوەكەدا دڵنیای لەسەر ئەوە دراوە كە خواردنی پارچەیەك شۆكۆلاتە لە یەك هەفتەدا یارمەتی بەهێزبوونی توانای مێشك دەدات و بیركردنەوە و توانای یادەوەری مرۆڤ بەهێز دەكات ، بۆ ئەم توێژینەوەیە پشت بەستراوە بە چەندین توێژینەوەی دیكە كە پێشنر لەسەر سوودەكانی شۆكۆلاتە بۆ مێشكی مرۆڤ ئەنجامدراوە لە زانكۆی سیراكیوز .
ئەم توێژینەوەیە لەسەر دوو هەزار خۆبەخش ئەنجامدراوە و بۆ ئەنجامەكانی پشت بەستراوە بە باری تەندروستی بەشداربوەكان و تەمەنیان و شێوەی ژیانیان و توانای مێشكیان لە هەمان كاتدا .
ئەنجامەكانی ئەم توێژینەوەیە لە مانگی شوباتی ئەمساڵ بڵاوكراوەتەوە و لەڕێیەوە ئەوە ئاشكرا كراوە ئەو كەسانەی لانی كەم لە هەفتەیەكدا شۆكۆلاتە دەخۆن كاتێك تاقیكردنەوەی توانای مێشكیان بۆ ئەنجامدراوە زۆر زیرەك تر بوون لەو كەسانەی كە هەفتانە شۆكۆلاتەیان نەخواردوە .
ئێستا ئەگەر تۆ یەكێكیت لەو كەسانەی بەردەوام ئارەزووی خواردنی شۆكۆلاتە دەكەیت ئەوە ئەم هەواڵە دڵخۆشكەر دەبێت بۆت و ئەگەر شۆكۆلاتەش ناخۆیت ئەوە باشتر وایە بڕیاری ئەوە بدەیت هەفتانە پارچەیەك شۆكۆلاتە بخۆیت بۆ ئەوەی مێشكت بەهێز بێت و یادەوەریت چالاك بێت .
سەرچاوە:صحتي
تعليقات
إرسال تعليق