سکۆت بێسانت، وەزیری گەنجینەی ئەمریکا دەڵێت، ڕووداوەکانی ئەمڕۆ لە ئێران دەرئەنجامی ڕاستەوخۆی هەڵمەتی "زۆرترین فشار"ی ئیدارەی ترەمپە.
لە چاوپێکەوتنێکدا لەگەڵ نیوزماکس ڕایگەیاند کە ئیدارەی ترەمپ بە گرنگیدان بە هەناردەکردنی نەوتی ئێران، هەوڵی داوە سەرچاوەی سەرەکیی دارایی حکوومەت بگرێت و لەئەنجامدا زۆرترین فشار و داڕمانێکی دارایی لە ناوخۆی ئێراندا دروست بووە.وتیشی: "وەزارەتی گەنجینەی ئەمریکا سزاکان جێبەجێ دەکات، ئێستا دەبینێت مشکەکان کەشتی بەجێدەهێڵن. چونکە دەبینین ملیۆنان و دەیان ملیۆن دۆلار لەلایەن سەرکردایەتی ئێرانەوە بۆ دەرەوەی وڵات دەگوازرێتەوە؛ پارەکە بەنهێنی دەبەنە دەرەوە".بێسانت جەختی لەوە کردەوە کە وەزارەتی خەزێنەداری ئەمریکا نیشانەی ئاشکرای دەرچوونی پارەی بەربڵاو لە لایەن بەرپرسانی کۆماری ئیسلامییەوە دەبینێت.ئاماژەی بەوەشکردووە، "ئێمە لە وەزارەتی گەنجینەی ئەمریکا بەدواداچوون بۆ ئەو پارانە دەکەین، جا لەڕێگەی سیستەمی بانکی تەقلیدییەوە بێت یان لەڕێگەی سەروەت و سامانی دیجیتاڵییەوە. ئێمە بەدواداچوون بۆ ئەو سەروەت و سامانانە دەکەین، ئەوانیش ناتوانن لە لای خۆیان بیهێڵنەوە".
Comments
Post a Comment