سرکە چەندین سوودی تەندروستی هەیە، لەوانە کۆنتڕۆڵکردنی شەکری خوێن، یارمەتی دابەزاندنی کێش و باشترکردنی تەندروستی دڵ دەدات. هەروەها یارمەتی پاککردنەوە و نەزۆککردنی-تەعقیمکردنی باکتریا دەدات بەهۆی تایبەتمەندی دژە میکرۆبەوە، هەروەها دەتوانێت ئاسانکاری بکات بۆ باشترکردنی هەرسکردن و هەڵمژینی کالیسیۆم.
سوودە تەندروستییەکانی سرکە:
دابەزاندنی کێش: خواردنی سرکە بەتایبەتی لەکاتی گەدەی بەتاڵدا یارمەتی دابەزاندنی کێش دەدات لەڕێگەی زیادکردنی میتابۆلیزم و کەمکردنەوەی ئارەزووی خواردن.
تەندروستی دڵ: سرکە یارمەتی باشترکردنی تەندروستی دڵ دەدات و دەتوانێت ئاستی کۆلیسترۆڵی خوێن کەم بکاتەوە.
تایبەتمەندی دژە میکرۆبی: سرکە کاریگەرە لە کوشتنی بەکتریا و قارچک، وە یارمەتی نەهێشتنی بۆنی ناخۆشی دەم و بۆنی جەستە دەدات.
یارمەتی هەرسکردن دەدات: سرکە دەتوانێت یارمەتی باشترکردنی پرۆسەی هەرسکردن بدات لە جەستەدا.
باشتر هەڵمژینی کالیسیۆم: ترشی ئەسیک لە سرکەدا یارمەتیدەرە بۆ باشتر هەڵمژینی کالیسیۆم و یارمەتی بەهێزکردنی ئێسکەکان دەدات.
تایبەتمەندی دژە ئۆکسێنەر: سرکەی سرووشتی وەک سرکەی ترێ دەوڵەمەندە بە دژە ئۆکسێنەر کە یارمەتی کەمکردنەوەی مەترسی هەندێک نەخۆشی وەک: شێرپەنجە دەدات لەڕێگەی بەرەنگاربوونەوەی ڕادیکاڵە-ناتابایە ئازادەکان.
خاڵێکی گرنگ:
پێش ئەوەی بە بەردەوامی سرکە بخۆیت، بەتایبەتی ئەگەر حاڵەتێکی بنەڕەتیت هەیە وەک نەخۆشی شەکرە، ڕاوێژ بە پزیشک یان پسپۆڕی خۆراک بکە.
سرکەی پیشەسازی کە ترشی زۆرە نابێت لەگەڵ سرکەی خواردن تێکەڵ بکرێت.
No comments:
Post a Comment