بۆچی ناتوانرێت پێش ٦ مانگی، ئاو بدرێتە منداڵی ساوا (کۆرپە)؟
شەش خاڵی نەرێنی کە دەبێتە هۆی زیان گەیاندن بە کۆرپە ئەگەر بێت و ئاوی پێ بدرێت پێش شەش مانگی:
یەکەم: گێژی.
دووەم: لاوازی.
سێیەم: خەوی ئاڵۆز.
چوارەم: ڕشانەوە و دڵ تێکهەڵچوون.
پێنجەم: هەناسە تەنگی.
شەشەم: دروستبوونی گرژی لە ماسووکەکان.
بەڵام ئەگەر بێت و منداڵێک شیری دایکی نەگرت، ئەوا لە ژێر چاودێری دکتۆری پسپۆر دەتوانرێت، بەو ڕێنمایانەی کە لەسەر قتووی ئەو شیرەی کە دکتۆر بۆی نووسیوە، ئاوی ماڵان بکوڵێنێت ساردی بکاتەوە و بەگوێرەی ڕێنمایەکان لە گەڵ شیرە وشکەکە تێکەڵی بکات، هەتاکوو دەگاتە چوار تاکوو شەش مانگی، ئەوجا دەتوانێ خۆراکی یارمەتیدەر وەک سووپ و هەندێک خواردنی شلەمەنی بداتە کۆرپەکە.
ئەو کۆرپانەش کە شیری دایک دەخۆن بەڵام کێشیان زیاد ناکات، بەهەمان شێوە دەتوانن شیری قتوو بە منداڵەکانیان بدەن و دابینی بکەن، بەڵام لە ژێر چاودێری دکتۆری پسپۆر و بەو ڕێنمایانەی کە لەسەر قتووەکە نووسراوە.
مافی ئەم بابەتە پارێزراوە بۆ ماڵپەڕی کوردزانست.
تعليقات
إرسال تعليق