خەوننامەی کوردی، بەشی خە؛ خێمە- چادر -چادری ڕەشماڵ:
ئیبن سیرین دەڵێ: ئەگەر بینی خێمەی بۆ خۆی هەڵدا یان کەسێک خێمەی بۆ ئەو هەڵدا و تێدا دانیشت، ئەوا ئەگەر کەسەکە خۆی سەرباز بوو، سەرەوەت و سامانی وەچەنگ دەکەوێ، بە هێندەی گەورەیی و بچووکی ئەو خێمەیە.
ئەگەر بازرگان بوو، گەشت دەکات و لەو گەشتەیدا خێر و قازانجی دەست دەکەوێت.
ئیبراهیمی کرمانی دەڵێ: ئەگەر بینی لەناو خێمەوە چووە دەرەوە، ئەوا لە ڕێز و حورمەت و گەورەیی دەکەوێت.
ئەگەر بینی پاشا لەناو خێمەکەی دانیشتبوو، واتە کارەکەی باش دەبێت و بەسەر دوژمندا سەردەکەوێت.
ئەگەر بینی پاشا لەناو خێمەکەی دانیشتبوو، واتە کارەکەی باش دەبێت و بەسەر دوژمندا سەردەکەوێت و کارەکەی بە رێکۆپێکی بەڕێوە دەچێت.
هەروەها لەخەودا بینینی خێمە لە ڕۆژدا، کەسێکە کە کاروباری گەورە بەرپرسان و پاشایان پێکەوە گرێ دەدات و چاکی-چێ دەکات.
تعليقات
إرسال تعليق