شێوازەکانی زیادکردنی شیری دایک: ئامۆژگاری گرنگ بۆ دایکانی شیردەر+ڤیدیۆ:
بۆ زیادکردنی شیری دایک پێویستە دایکانی شیردەر گرنگی بەمانەی خوارەوە بدەن:
خۆراکی تەندروست: پێویستە دایکانی شیردەر خۆراکی تەندروست و جۆراوجۆریان هەبێت و ئەو خۆراکانە کەم بکەنەوە کە شیری دایک کەم دەکەنەوە، وەک: ئەو خۆراکانەی شەکر و چەوری و کافاینیان تێدایە.
ئاوی پێویست: خواردنی ئاوی پێویست و ڕێکوپێک بە درێژایی ڕۆژ یارمەتیدەرە بۆ زیادکردنی ڕێژەی شیری دایک.
زوو زوو شیرپێدان: زۆربەی شیری دایک بەپێی خواستی کۆرپە بەرهەم دێت. بۆیە پێویستە منداڵەکە زوو زوو شیری دایکی پێبدرێت، بۆ زیادکردنی بەرهەمهێنانی شیری دایک.
مەساجکردنی مەمک: مەساجکردنی مەمک یارمەتی دایکانی شیردەر دەدات بۆ لابردنی پاشماوەی شیر لە مەمکەکانیان و بەرهەمهێنانی شیری زیاتر.
پشوودانی پێویست: پشوودانی پێویست و کەمکردنەوەی فشار، دەتوانێت یارمەتیدەر بێت بۆ زیادکردن و دابینکردنی شیری دایک.
بەکارهێنانی گیراوەی گیا: هەندێک لە گیراوە گیاییەکان وەک زیرە و مێخەک (قەنەفڵ) و زەنجەفیل، دەتوانن یارمەتیدەر بن لە زیادکردنی شیری دایک. بەڵام باشتر وایە پێش خواردنی هەر گیراوەیەک ڕاوێژ بە پزیشک یان پسپۆڕی خۆراک بکەیت.
پاراستنی کێشی تەندروست: پاراستنی کێشی تەندروست بە خواردنی خۆراکی تەندروست، دەتوانێت یارمەتیدەر بێت بۆ زیادکردن و دابینکردنی شیری دایک.
کەمکردنەوەی جگەرەکێشان: جگەرەکێشان دەبێتە هۆی کەمکردنەوەی شیری دایک، بۆیە پێویستە لێیان دوور بکەویتەوە.
چۆن شیری دایک زیاد بکەین بە خۆراکی تەندروست؟
خۆراکی دروستی دایکانی شیردەر یەکێکە لە هۆکارە گرنگەکان بۆ زیادکردنی بڕی شیری دایک. دایکی شیردەر دەبێت چی بخوات بۆ زیادکردنی شیرەکەی؟ لێرەدا چەند خۆراکێک دەخەینەڕوو کە دەتوانن یارمەتیدەر بن لە زیادکردنی شیری دایک:
بەرهەمە شیرەمەنییەکان وەک شیر و پەنیر و ماست و کەرە.
سەوزەی خواردن وەک: سپێناخ و برۆکلی و قەیسی و شەلغەم (شێلم)، لەگەڵ میوەی وەک: پرتەقاڵ و توو و شووتی و ئەناناس.
ئەو خواردنانەی کە پڕۆتینیان زۆرە وەک: مریشک و گۆشتی سوور و ماسی و هێلکە.
ئەو خۆراکانەی ترشە چەوری ئۆمیگا ٣یان تێدایە وەک ماسی ئاوی سارد و گوێز و زەیتی کونجی.
ئەو خۆراکانەی ڤیتامین C یان تێدایە وەک: پرتەقاڵ و شووتی و توو و تەماتە.
ئەو خواردنانەی کە کالیسیۆمیان تێدایە وەک: برنج و سەوزەی گەڵا سەوز و بادەم و کەرەی فستق و سەوزە.
میوەی وشککراوە وەک: گێلاس و خورما و قەیسی و ترێی وشککراوە.
تعليقات
إرسال تعليق