خەوننامەی کوردی بەشی جە؛ جلی کۆنە- شڕوشیتاڵی پۆشاک:

خولوقان بە عەرەبی واتە جلی کۆنە و لەبەرکردنیان لەخەودا، خەم و مەینەتی و هەژارییە کە بەسەر خەڵکیدا دێت.

ئیبن سیرین دەڵێ: ئەگەر دیتی جلی کۆنەی لە لەشی خۆی کردەوە و دایکەندن، واتە خەم و هەژارییەکەی نامێنێت.

هەروەها بینینی شتە تازەکان هەموویان باشن، تەنیا کەلەپووری کۆن نەبێت، کە باشترە.

ئیبراهیمی کرمانی دەڵی: ئەگەر کەسێک دیتی کۆنەفرۆشی دەکات خراپە، وە بازرگانی کردن بە جلی کۆنەشەوە هەر خراپە، بەتایبەت ئەگەر چڵکن و دڕاو بوو.

ئەگەر جلکی تازەی دەکڕی و دەیفرۆشت باشە و بازرگانی کردن پێیەوە، خێر و قازانجە.

ئیسماعیلی کوڕی ئەشعەس و ئیبراهیمی کرمانی دەڵێن: فرۆشتنی جلی کۆنە، باشە بەڵام کڕینی جلی کۆنە خراپە.

کۆنەفرۆش کەسێکە کە خراپە لە خۆی دوور دەخاتەوە.