بەشی دەیەمی ئەدەب؛ ئەدەبی کلاسیزمی کوردی شێوازی کرمانجی خواروو:

هەروەها لە رووی نەخشەی دیالێکتەکانی زمانەوە هەموو سنووری کرمانجی خواروو، واتە( سلێمانی، سنە، سۆران، و موکریان) و هەموو سنووری دیالێکتی گۆران واتە(هەورامی، زەنگەنە، باجەلان، ڕۆژبەیانیی…هتد)

دوا دیالێکتی زمانی کوردی کە بوو بە بناغەی زمانی ئەدەبی ئەو سەردەمە و وەک دیالێکتەکانی تر بە هۆی بارودۆخی سیاسی و کۆمەڵایەتی و ئابووری و جوگرافییەوە، ئەدەبی ئەم دیالێکتە بەرەو کزی یا نەمان نەڕۆیشتووە، دیالێکتی کرمانجی خوارووە، کە سەرەتا شێوەزاری (سلێمانی)ی ئەو دیالێکتە بوو بە بناغەی قوتابخانەی ئەدەبی تازەی کوردی و لە سەردەمی فەرمانڕەوایی بابانەکانەوە وەک زمانی ئەدەبی سەری هەڵهێنا و هێشتا لە گەشەسەندن و فراوانبوون و پەرەسەندندایە و وای لێهاتووە، کە ببێت بە زمانی ئەدەبی سەردەم و زمانی خوێندنی قوتابخانە و کاروباری ڕەسمی لە کوردستانی باشووردا.
هەروەها لە رووی نەخشەی دیالێکتەکانی زمانەوە هەموو سنووری کرمانجی خواروو، واتە( سلێمانی، سنە، سۆران، و موکریان) و هەموو سنووری دیالێکتی گۆران واتە(هەورامی، زەنگەنە، باجەلان، ڕۆژبەیانیی…هتد) بەشێکی زۆر لە لوڕ بگریتەوە هەروەها لای هەندێک نووسەری کرمانجی سەروو، لە هەندێک بەشی ئەو ناوچەیەشدا ببێت بە بناغەی زمانێکی ئەدەبی تازە و یەکگرتوو بۆ هەموو کورد کە لەسەر بناغەی تێکەڵییەکی ڕاستەقینە و زانستی پەیدابێت و شەقڵی خۆ دروستبوونی ژیان و دروستکردنی پێوە دیاربێت و شتێکی دەتسکرد و دروستکراو نەبێت. جا لێرەدا چەند پرسیارێک دێتە پیشەوە ئایا ئەو قوتابخانە تازەیە چۆن دروست بووە و لە کوێ دروستبووە؟ ئەو گڕ و هێزەی چۆن پەیدا کردووە و دەبێت لە میژووی ئەدەبییدا چ ناوێک لەو قوتابخانەیە بنێن؟
وڵامی ئەم پرسیارە لە بابەتەکانی داهاتوودایە…………