هەرێمی کوردستان دەبێتە شوێنێکی مەترسیدار بۆ پارتەکانی ڕۆژهەڵاتی کوردستان
عیبادی بە بیانووی مووچەوە بە هاوکاری پارتەکانی باشووری کوردستان لەبیری کپکردن و کوژاندنەوەی خەباتی چەکداری پارتەکانی دژبەری کۆماری ئیسلامی ئێرانە لە نێو خاکی باشووری کوردستان.
سەردانی هەرێمی کوردستان بە سەپەرەشتی نەچیروان بارزانی و قوباد تاڵەبانی بە ویستی خۆیان نەبووە و دەستێکی زەبر لە پشت ئەم بابەتەوە بووە بۆ ئەوی کە ئیرادە و شۆڕش و سەربەخۆی نەتەوەیەک بە بۆنەی مووچەوە لە نێو ببەن و خەونی کورد بۆ ساڵانێکی درێژتر بەلاڕێدا ببەن و لە مووچەیەکدا قەتیسی بکەنەوە.
ئەگەر بێتو هەرێمی کوردستان ئاوها هەڵسووکەوتێکی هەبێت بەرامبەر داگیرکەرانی کوردستان رێگە خۆشکەردەبن بۆ دوژمنانی کورد کە بتوانن شارەکانی کوردستان و هەرێمی کوردستان بخەنەوە ژیردەستی بەغدادەوە و وەکوو سەردەمی سەددامی لێبکەنەوە.
دەبێ لە ڕۆژهەڵاتی کوردستان و لە دەرەوەی وڵات خۆپیشاندان دژ بە ئەم سەردانەی هەریمی کوردستان بکرێت کە بە خۆیاندا بچنەوە کە ئەم کارەی کە ئەمان کردیان ڕاست وەکوو ئەوە وایە خەڵک و پارتەکانی کوردستانی ڕۆژهەڵات بێن و پیشوازی لە شاندێکی حەشدی شەعبی بکەن کە دەستیان هەبووە و هەیە لە کوشتن و ماڵ وێران کردن و تاڵانکردنی سەروەت وسامان و بە عەربکردنی شارەکانی دەروەی ئیدارەی هەرێمی کوردستان.
تعليقات
إرسال تعليق