زۆرینەی کۆمیتەی کاروباری دەرەوەی ئەنجومەنی نوێنەرانی ئەمریکا بە بڵاوکردنەوەی دەقێک لە تۆڕی کۆمەڵایەتی ئێکس، حکومەتی ئێرانیان لەبارەی مامەڵەی توندوتیژی لەگەڵ خۆپیشاندەران ئاگادارکردەوە.لەم دەقەدا کە ڕۆژی چوارشەممە ١٧.٠١.٢٠٢٦ بڵاوکرایەوە، ئەم کۆمەڵە یاسادانەرە ئەمریکییە ڕایانگەیاندووە کە گەلی ئێران بوێرانە لە دژی “ڕژێمێکی سەرکوتگەر” ڕاپەڕیوە.لەلایەکی دیکەوە لیندسی گراهام سیناتۆری کۆمارییەکانیش لە تۆڕی کۆمەڵایەتی ئێکس هۆشدارییەکەی دۆناڵد ترەمپی سەرۆکی ئەمریکا دووپاتکردەوە.گراهام، وێڕای بڵاوکردنەوەی بەشێک لە چاوپێکەوتنەکەی ئەم دواییەی لەگەڵ فۆکس نیوز، جەختی لەوە کردەوە کە “دۆناڵد ترەمپ باراک ئۆباما نییە و پشت لە گەلی ئێران ناکات”.هەروەها هۆشداری بە "ئایەتوڵڵا و چەقۆکێشەکانی" دا کە "ئەگەر بەردەوام بن لە کوشتنی گەلی خۆتان، بەبێ گوێدانە هۆشدارییەکەی سەرۆک ترامپ، دەکوژرێن."سیناتۆر لیندسی گراهام لە چاوپێکەوتنەکەدا زیادی کرد کە حکوومەتی ئێران “لە لێواری داڕماندایە”.گراهام ئاماژەی بە هۆشداریی ئاشکرای دۆناڵد ترەمپ دەکرد بۆ کۆماری ئیسلامی سەبارەت بە بەکارهێنانی توندوتیژی دژی خۆپیشاندەران.ڕۆژی ٤ی ژانویە، ترەمپ سەبارەت بە کاربەدەستانی ئێران لە لێدوانێکی ڕۆژنامەوانیدا وتی: “ئەگەر وەک ڕابردوو دەست بکەن بە کوشتنی خەڵکی ئیران، پێموایە ڕووبەڕووی گورزێکی زۆر سەخت دەبنەوە لەلایەن ویلایەتە یەکگرتووەکانی ئەمریکاوە”.
Comments
Post a Comment