مێخەک چەندین سوودی تەندروستی هەیە، لەوانە کەمکردنەوەی ئازاری ددان، بەرزکردنەوەی سیستەمی بەرگری لەش، باشترکردنی هەرسکردن، هەروەها خاوەنی تایبەتمەندی دژە هەوکردن و دژە بەکتریایە. یارمەتی تەندروستی دڵ و خوێنبەرەکان و ئێسک و پێست و قژ دەدەن، کاریگەرن لە کەمکردنەوەی نیشانەکانی سەرمابوون.
کەمکردنەوەی ئازار: بەهۆی تایبەتمەندی دژە هەوکردنەوە، یارمەتی کەمکردنەوەی ئازارەکانی وەک ددان ئێشە و سەرئێشە دەدات.
بەهێزکردنی سیستەمی بەرگری لەش: ڤیتامین سی و دژە ئۆکسانی بەهێزی تێدایە کە یارمەتی بەهێزکردنی سیستەمی بەرگری لەش و بەرەنگاربوونەوەی ڕادیکاڵە ئازادەکان دەکات.
باشترکردنی کرداری هەرس: بە هاندانی ئەنزیمەکانی هەرس یارمەتی باشتر هەرسکردنی خۆراک دەدات و دەتوانێت کاریگەر بێت لە نەهێشتنی ئاوسانی سک و قەبزی.
دژە هەوکردن و دژە بەکتریا: ماددەیەک هەیە بە ناوی یوجینۆل لە مێخەکدا کە تایبەتمەندی دژە هەوکردن و دژە بەکتریای بەهێزی هەیە.
تەندروستی دڵ: یارمەتی باشترکردنی سوڕی خوێن و دابەزاندنی پەستانی خوێن دەدات، ئەگەری تووشبوون بە نەخۆشییەکانی دڵ و خوێنبەرەکان کەمدەکاتەوە.
تەندروستی ئێسک: دەوڵەمەندە بە مەنگەنیز، کە پێویستە بۆ تەندروستی و بەهێزی ئێسکەکان و یارمەتیدەرە بۆ خۆپاراستن لە پووکانەوەی ئێسک.
چارەسەری سەرما: تایبەتمەندی دژە هەوکردن و کۆکە و یارمەتی کەمکردنەوەی ئازاری قورگ دەدات و یارمەتی پاککردنەوەی کۆئەندامی هەناسە دەدات.
تەندروستی پێست و قژ: بەتایبەتی دژی هەوکردن و دژە قارچکە، یارمەتی پاراستنی تەندروستی پێست و کەمکردنەوەی هەڵوەرینی قژ دەدات، هەروەها دەتوانێت کاریگەر بێت لە چارەسەرکردنی زیپکەدا.
No comments:
Post a Comment