خەوننامەی کوردی، بەشی دال؛ دادوەر:

ئیبن سیرین دەڵی: ئەگەر دیتی بووە بە دادوەر-قازی و خۆی ئەهلی ئەوە نەبوو، نیشانەی ئەوەیە تووشی بەڵایەک دەبێت و سەروەت و سامانەکەی لەدەست دەدات.

بەڵام ئەگەر بینەری خەوەکە زانا بوو، واتە دەبێتە دادوەر.

دانیاڵ پێغەمبەر دەفەرمێ: ئەگەر لەخەویدا بینی بووە بە دادوەر، واتە دەگاتە پلە و پایەی زاناکان.

ئەگەر دادوەرێکی نەناسراوی بینی، نیشانەی ئەوەیە لە گەڵ خوداوەندا دەبێت.

جابری مەغریبی دەڵێ: ئەگەر لەخەویدا بینی دادوەر حوکمی بەسەردادا، ئەوا لە بێداریشدا و بەڕاستی، ئەوە ڕوو دەدات.

ئەگەر دیتی دادوەر بە چاوی سۆزەوە لێ ڕۆانی، نیشانەی ئەوەیە سوودی پێدەگات.

ئەگەر بە ڕق و تووڕەییەوە سەیری کرد، نیشانەی خەم و مەینەتییە.