خەوننامەی کوردی، بەشی تە؛ تەوقی مل-ملوانکە-بازنەیەکە دەخرێتە مل:

خەوننامەی کوردی، بەشی تە؛ تەوقی مل-ملوانکە-بازنەیەکە دەخرێتە مل:

ئەگەر لەخەویدا بینی تەوقی ئاڵتوون یان زیوینی لە ملدا بوو، ئەوا بەقەدەر نرخەکەیان، دەسەڵات و ویلایەتی دەست دەکەوێت و بە ویژدان دەبێت.

ئەگەر تەوقی ئاسنینی لە مل بوو، نیشانەی خراپی دین و ئیمانەکەیەتی.

ئیبراهیمی کرمانی دەڵێ: ئەگەر بینی تەوقی لە مل بوو، نیشانەی ئەوەیە بە درۆ کاری بانگخوازی دەکات.

جابری مەغریبی دەڵێ: ئەگەر تەوقی زێڕینی دیت، نیشانەی دەسەڵات و ویلایەتە.

ئەگەر مسین یان ئاسنین بوو، ئەوا لەگەڵ کەسێکدا، دژایەتی و ناکۆکی دەکەوێتە نێوانیان.

ئیمام جەعفەری سادق دەفەرمێ: بینینی تەوقی مل لە خەودا، سێ واتای هەیە.

یەکەم: حەجکردن. دووەم: دەسەڵات و ویلایەت. سێیەم: دژایەتی و ناکۆکی و غوڵام و کەنیزەکە.

ئەگەر لە خەویدا بینی تەوقی لە مل بوو، نیشانەی ئەوەیە سەروەت و سامانی لەلایەن پاشاوە پێدەدرێت.