سەرچاوە هەواڵییەکانى سوریا بڵاویانکردووە، سوپای تورکیا دەستیکردووە بە پێشڕەوی و چووەتە ناوچەکانى سنوری شاری منبجەوە.
ئەو سەرچاوانە ئاماژەیان بەوە کردووە، هاوکات لەگەڵ هاتنى
ئۆتۆمبێلە و سەربازەکانی تورکیا فڕۆکە ئەمریکی و تورکییەکانیش بە شێوازێکى
چڕ و بە نزمی لە ئاسمانى ناوچەکە دەفڕن.
ئەمەش لە دواى ئەوە دێت لە ماوەى ڕابردوو ئەمریکا و تورکیا
لەسەر نەخشەڕێگای منبج ڕێککەوتن و دواتریش وەزیرى بەرگریی ئەمریکا
ڕایگەیاند، وڵاتەکەى ئامادەیە بۆ جێبەجێکردنى نەخشەڕێگاى پەیوەست بە
بەڕێوەبردنی منبج لە باکورى سوریا.
ڕاشیگەیاند، وڵاتەکەی ئامادەی پێکهێنانى هاوکاری سەربازییە
لەگەڵ تورکیا لە منبج و لە ئەوروپا لەگەڵ بەرپرسانی تورکیا کۆبوونەوەیەکى
دیکە بۆ تاوتوێکردنى نەخشە ڕێگاکە و چۆنیەتى جێبەجێکردنى ئەنجام دەدەن.
هەروەها وەزیرى بەرگریی ئەمریکا ئەوەشى حستووەتەڕوو، بەپێی
نەخشە ڕێگاکە سەرەتا لەگەڵ تورکیا لە دەوروبەرى منبج .گەڕان و پشکنینیان
دەبێت و دواتریش لە ناوخۆى منبج گەڕان و پشکنین ئەنجام دەدەن
تعليقات
إرسال تعليق