پاش کۆتایی هاتنی ماوەی (هەڕەشە) یان(ترسە) چاوەروانکراوەکە، پاشای جێگێر دەکوژرا.
لە بەر گرنگی پایەی (پاشا) ئەرکە دونیایی و ئایینی بەو ڕاسپێردرابوو، وە نوێنەری ئاینی باڵا( کاهینی یەکەم)یش بوو و بەرپرسی کارگێڕی و سەرۆکی دادوەرەکان و سوپا سالار بوو، بۆیە هەر مەترسییەک هەڕەشەی لە ژیانی پاشا بکردبا، دەبوو مایەی ئاژاوە و وڵات دەکەوتە مەترسییەوە، لە بەر ئەوە پێویست بوو سەلامەتی پاشا بپارێزرێت.
هەندێک لە ڕووداوەکان بۆ دانیشتوانی ئەو سەردەمە وەکوو ڕوودانی (گیرانی خۆر و مانگ) سەرچاوەی ڕەشبینی بوون، هەر کاتێک (کاهین) هەستی بە مەترسیەکی وا دەکرد، یەکسەر دەبوایە (پاشا) لەبەر چاوان ون بکرێت، بۆ ماوەی مانگێک تا ٣ مانگ. لەم ماوەیە جێگریکیان بۆ دادەنا. دەسەڵاتی پێدەداو لە کۆشکی پاشا جێگیر دەبوو، پاشان کۆتایی هاتنی ماوەی (هەڕەشە) یان(ترسە) چاوەروانکراوەکە، پاشای جێگێر دەکوژرا. بۆ ئەوەی هەموو مەترسیەکان لەگەڵ خۆی ببات و پاشای ڕەسەن دەهاتەوە جێگەی خۆی.
هەندێک لە توێژەرەوەکان شێوازی( پاشای جێگر)یان بە هەنگاوێکی ژیرانەی پاشاکان لێکداوەتەوە کە هەندێکیان بە هاوکاری پیاوە ئایینیەکان پیادەیان دەکرد بۆ خۆ ڕزگارکردن لە بەرهەڵەستکاران.
تعليقات
إرسال تعليق