“هێزە ڕەشەکەی” یەکێتی بۆ سەرکوتی خەڵکی کرماشان چووە هانای کۆماری ئیسلامی ئێرانەوە.

هێزێکی سەرکوتکەری یەکێەتی بۆ یارمەتی کۆماری ئیسلامی ئێران خۆیان گەیاندە کرماشان.

بە گوتەی خەڵکی ناوچەکە و هەواڵی گەیشتوو بە ماڵپەڕەکانی باشووری کوردستان هێزێکی سەرکوتگەری یەکێتی بە ناوی” هێزە ڕەشەکە” بۆ سەرکوتی خەڵکی ئەو ناوچەیە و ناوچە کوردنشینەکان لە لایەن کۆماری ئیسلامی ئێرانەوە لەو شارانە بەڵاوەیان پێکراوە بۆ دامکراندنی خەڵکی ئازادی خۆازی ڕۆژهەڵاتی کوردستان و خەڵکی وەزاڵهاتووی ئێران.

ئەمە لە کاتێکدایە کە ئەو هێزە ڕەشەی سەر بە دژە تیرۆری یەکێتی، پێش خیانەتی ١٦ی ئۆکتۆبەر و تەنانەت پێش ڕیفراندۆمی ٢٥ی ئەیلوولی ٢٠١٧، دەستی بەسەر چەند كێڵگه‌ نه‌وتییه‌كی سنووری پارێزگه‌ی كه‌ركووكدا گرتبوو و دواتریش لە کاتی ڕووداوەکانی ١٦ی ئۆکتۆبەر، کشانەوەی ئەو هێزە ڕۆڵێکی گەورەی لە ڕادەستکردنی کەرکووک بە میلیشیاکانی حەشدی شەعبی هەبوو.

ماوەی چەند ڕۆژێکە خۆپیشاندانی بەرفراوان زۆربەی شار و شارۆچکەکانی کۆماری ئیسلامیی ئێرانی گرتووەتەوە و خەڵکی لە خراپیی دۆخی ژیان و گوزەران و نادادپەروەری و کۆت و بەندکردنی زیاد لە پێویستی ئازادییەکان نیگەرانن، بەو هۆیەشەوە پێکدادان لە نێوان خۆپیشاندەران و هێزە ئەمنییەکان ڕوویان داوە و تائێستا دەیان خۆپیشاندەر کوژراون.