ئایا دەوڵەتی کوردستانی سەربەخۆ باشترە یان دەوڵەتی کوردستانی کۆنفیدڕاڵ؟
ئەگەر کوردستان سەربەخۆیی رابگەینێت ڕەنگە ڕووبەڕووی کۆمەڵێک مەترسی ببێتەوە لە لایەن عێراق و دراوسێکانەوە، وەک دەستێوەردانی سەربازی و گەمارۆی ئابووری و رێگرتن لە هاولاتیان بۆ سەفەرکردن بۆ کوردستان یان بە پێچەوانەوە، وە رێگرتن لە فرۆشتنی نەوت و بێبەشکردنی لە هاوکارییە نێودەوڵەتیەکان بۆ ئاوەرەکان و شەری داعش، هەروەها دانپێدانانی نێوەدەوڵەتی و نەتەوەیەکگرتووەکانیش کارێکی ئەوەندە سادە نیە، وڵات هەیە دەیان ساڵە سەربەخۆیی راگەیاندووەو کەس دانی پێدانانێت، ئەگەر سەربەخۆیی رابگەینین ئێمە دەبینە خاوەن دەوڵەت و سنوور بەڵام کۆمەڵێک زەحمەتی و ئاستەنگی جۆراوجۆر بەدڵنیاییەوە چاوەرێمان دەکات.
بژاردەیەکی تر هەیە ئەویش کۆنفیدرالیە، کۆنفیدراڵی زۆر زۆر باشترە لە سەربەخۆیی، کۆنفیدرالی هەموو رەگەزێکی سەربەخۆیی تێدایە، تۆ دەبیتە خاوەن دەوڵەت و سنوور و ئاڵاو سەربەخۆیی خۆت، واتا هەموو سیفەتێکی دەوڵەتت دەبێت، دەتوانی پارە چاپ بکەیت و ناسنامەی تایبەتی خۆتت هەبێت و ببیتە خاوەن پاسپۆرتی خۆت، خاوەنی مەلەفی وەرزشی سەربەخۆ دەبیت و بەشداری خول و پاڵەوانیەتیەکان دەکەی لە ژێر ناوی دەوڵەتی کوردستانی کۆنفیدڕاڵ، واتا لەحاڵەتی بوون بە کۆنفیدراڵی ئەوا عێراق دەبێتە دوو دەوڵەتی جیاواز، دەوڵەتی کوردستانی کۆنفیدرال و دەوڵەتی عێراقی نوێ، هەردووکیان هاوپەیمان و یەکگرتوو دەبن لە ژێرناوی عێراقی کۆنفیدراڵ، واتا حاڵەتی کۆنفیدرالی بریتیە لە یەکێتیەکی ئارەزوومەندانەی نێوان دەوڵەتی کوردستانی کۆنفیدراڵ و دەوڵەتی عێراقی نوێ، ئەم یەکێتیە هەندێک ئیمتیازی تێدایە بۆ هەردوو لا وەک هاتووچۆی نێوان ئەو دوو ولاتە بۆ هاوڵاتیانی زۆر ئاسان دەبێت و ڤیزای ناوێت، یاخوود ئاڵوگۆر و هەماهەنگی سەربازی و هەواڵگری بەشێوەیەکی زۆر فراوان دەبێت، پەیوەندی نێوان وەزارەت و دەزگاکانی هەردوو دەوڵەت لەسەر ئاستێکی فراوان دەبێت، لەحاڵەتێک هەر دراوسێیەک هێرشبکاتە سەر دەوڵەتی کوردستانی کۆنفیدڕاڵ ئەوا مانای ئەوەیە هێرشی کردۆتە سەر عێراق و لەم حاڵەتەش عێراق پابەند دەبێت بە پاراستنی کوردستان، وە بە پێچەوانەوەش! واتا جگە لەوەی دەوڵەتی کوردستان و دەوڵەتی عێراق بە جیا دەبنە خاوەن سەروەری، ئەوا سەروەریەکی تر هەیە ئەویش سەروەری عێراقی کۆنفیدرالی یەکگرتوو دەبێت کە دوو دەوڵەت لەخۆوە دەگرێت (دەوڵەتی کوردستانی کۆنفیدڕاڵ و دەوڵەتی عێراقی نوێ).
لەحاڵەتی رێکەوتنی کوردستان و عێراق لەسەر کۆنفێدراڵی ئەوا کوردستان ئاسانتر و خێراتر دانی پێدادەنرێت و رووبەرووی هیچ مەترسیەکی دراوسێکان نابێتەوە، بگرە پەیوەندی لەگەڵ دراوسێکانی دەچێتە ئاستێکی بەرزتر و باشتر.
سەرچاوەکان:
تعليقات
إرسال تعليق