خەوننامەی کوردی، بەشی پە؛ پێغەمبەرایەتی:

 خەوننامەی کوردی، بەشی پە؛ پێغەمبەرایەتی:

جابری مەغریبی دەڵێ: ئەگەر بینی لە چاکەکارییەوە بۆ خراپەکاری گۆڕا، نیشانەی پیسی و هەڵگەڕانەوەیە.

ئەگەر بە پێچەوانەوە خەوەکەی دیت، واتە نیشانەی خۆشی و بەختیاری و دین و دونیایەتی.

دانیاڵ پێغەمبەر دەفەرمێ: ئەگەر بینی ببوو بە پێغەمبەر وەکوو پێغەمبەرانی تر و خەڵکی بۆ لای خودا و ڕێگای یەکتاپەرستی هان دەدا، واتە سەرەتا تووشی بەڵا و ناڕەحەتی دەبێت و دووای ئەوە بەسەر دوژمنانیدا زاڵ دەبێت.

ئەگەر بینەری خەوەکە پاک و چاکەکارە، هەمان لێکدانەوەی بۆ دەکرێت، چونکە بەڵا و ناڕەحەتییەکەی لە دونیادا کەمترە لەوە.

ئەگەر دەوڵەمەند و زەنگینە، واتە ڕزق و ڕۆزی دونیای زۆر دەبێت، بەڵام دینەکەی لێ تێک دەچێت.

ئیبراهیمی کرمانی دەڵێ: ئەگەر بینی ناوەکەی گۆڕا، بەشێوەیەک کە بەناوێکی باش بانگ دەکرا، وەکوو محەممەد و مەحموود و سەعید و ساڵح و عەلی و لەو جۆرە، نیشانەی ئەوەیە کە بە خێر و چاکە یادی دەکرێت.

ئەگەر بەپێچەوانەوە خەوەکەی بینی، واتە خەڵکی بەشەڕ و خراپە باسی دەکەن.

ئەگەر بینی، ببوو بە فەرمانڕەوا و حاکم، یان ئەمیر و قازی، واتە لە پیشەکەی خۆیدا، ڕاست و دادپەروەر و بە ویژدانە.

ئەگەر بە پێچەوانەی ئەمەی بینی، نیشانەی شەڕ و خراپەیە.