شێخ عەبدوالقادر تاڵەبانی دەڵێ ئێمە عێراقین و عێراقیش دەمێنینەوە،
تۆماری ڤیدیۆیی پوورزایەکی پاڤڵ تاڵەبانی سەرلەنوێ تاڵەبانییەکان شەرمەزار
دەکا، تۆماری ڤیدیۆیی پوورزایەکی پاڤڵ تاڵەبانی لە تۆڕە کۆمەڵایەتییەکانەوە
دەنگدانەوەیەکی زۆر بەدوای خۆیدا دێنێ و شەرمەزارییەکی نوێ بۆ
تاڵەبانییەکان دێنێتە کایەوە، بەهۆی قسەکردنی بەناوی حەشدی شەعبی و
دژایەتیکردنی سەربەخۆیی کوردستانەوە.
لە دوێنێ یەکشەممە ٢١ی ١٠ی ٢٠١٨ەوە، تۆمارێکی ڤیدیۆیی قادر تاڵەبانی،
پوورزای پاڤڵ تاڵەبانی بڵاو بووەتەوە کە بە ناوی حەشدی شەعبییەوە قسە دەکات
و شانازی بە بنەماڵەی خۆی (تاڵەبانی) دەکات و ڕاشیدەگەیەنێت کە ئەوان
قەبوڵی ناکەن عێراق دابەش بکرێت.
هەر لە قسەکانیدا ئەو تاڵەبانییە تازە دەرکەوتووە باسی هەوڵەکانی
سەربەخۆیی کوردستان دەکات و نایشارێتەوە کە ئەو بابەتە کۆتایی هاتووە.
هەرچەندە قادر تاڵەبانی تۆمارێکی ڤیدیۆیی تازەی لە هەژمارەکەی لە تۆڕی
کۆمەڵایەتیی (فەیسبووک) بڵاو کردووەتەوە و تێیدا بانگەشەی ئەوەی کردووە کە
تۆمارە ڤیدیۆییەکە بۆ ساڵی ٢٠١٤ دەگەڕێتەوە، بەڵام لە ڕوونکردنەوەکەشیدا
قسەکانی نێو ڤیدیۆکەی ڕەت نەکردووەتەوە کە تێیدا دژایەتیی سەربەخۆیی
کوردستان و ویستەکانی خەڵکی کوردستان دەکات.
بەپێی زانیارییەکان، ئەو کەسەی لە تۆمارە ڤیدیۆییەکەدا دەردەکەوێت، ناوی
قادر تاڵەبانییە کە فەرماندەی لیوایەکی گرووپی عەسایب ئەهلی حەقی حەشدی
شەعبییە و لە داگیرکردنی کەرکووک و سووتاندنی ماڵی کورداندا گرووپەکە
دەستیان لە وێرانکاریکردنی ماڵی کوردان و کوشتنی پێشمەرگە خۆبەخشەکانی
خورماتوودا هەبووە.
تعليقات
إرسال تعليق